ali-sardar-jafri

Kaam Ab Koi Na Aaega Bas Ek Dil Ke Siwa

kaam ab koi na aaega bas ik dil ke siva

raste band hain sab kucha-e-qatil ke siva

bais-e-rashk hai tanha-ravi-e-rah-rav-e-shauq

ham-safar koi nahin duri-e-manzil ke siva

ham ne duniya ki har ik shai se uthaya dil ko

lekin ek shokh ke hangama-e-mahfil ke siva

tegh munsif ho jahan dar-o-rasan hon shahid

be-gunah kaun hai us shahr men qatil ke siva

jaane kis rang se aai hai gulistan men bahar

koi naghma hi nahin shor-e-salasil ke siva

More Poems

Leave a Comment