jur.at-e-iz.har ka uqda yahan kaise khule
maslahat ka biim dil men hai zaban kaise khule
be-dili se hai rag-o-pai men lahu Thahra hua
aankh men poshida zaḳhmon ka nishan kaise khule
dam-e-sahil hai safine ki asiri ka sabab
sar paTakta huun ki ab ye badban kaise khule
harf-e-mub.ham ki tarah auraq-e-roz-o-shab men huun
raaz aḳhir dushmanon ke darmiyan kaise khule
har ghaḌi dastak koi deta hai andar se mujhe
sochta rahta huun bab-e-jism-o-jan kaise khule
lafz hain shahid miri tahrir ke afsurda lab
sher men poshida ma.ani ka jahan kaise khule
Leave a Reply