junun ka daur hai kis kis ko jaa.en samjhane
udhar bhi hosh ke dushman idhar bhi divane
karam karam hai to hai faiz-e-am is ka shi.ar
ye dasht hai vo gulistan sahab kya jaane
kisi men dam nahin ahl-e-sitam se kuchh bhi kahe
sitam-zadon ko har ik aa raha hai samjhane
bashar ke zauq-e-parastish ne ḳhud kiye taḳhliq
ḳhuda-o-ka.aba kahin aur kahin sanam-ḳhane
ulajh ke rah ga.i husn-e-naqab men jo nazar
vo husn-e-jalva-e-zer-e-naqab kya jaane
is irtiqa-e-tamaddun ko kya kahun ‘mulla’
hain sham.en shoḳh-tar avara-tar hain parvane
Leave a Reply