juda hue vo log ki jin ko saath men aana tha
ik aisa mod bhi hamari raat men aana tha
tujh se bichhad jaane ka gham kuchh khaas nahin ham ko
ek na ik din khot hamari zaat men aana tha
ankhon ko ye kahte sunte rahte hain har dam
sukhe ko aana tha aur barsat men aana tha
ik lambi sunsan sadak par tanha phirte hain
vo aahat thi ham ko na us ki baat men aana tha
ai yaado tum aise kyuun is vaqt kahan aaiin
kisi munasib vaqt nae halat men aana tha
Leave a Reply