ju-e-taza kisi kohsar-e-kuhan se aa.e
ye hunar yuun nahin aata hai jatan se aa.e
log nazuk the aur ehsas ke virane tak
vo guzarte hue ankhon ki jalan se aa.e
shahr-e-gul kasa-e-darvesh bana baiTha hai
koi sho.ala kisi jalte hue ban se aa.e
dard ki mauj-e-subuk-sair men bah ja.unga
chahe vo jaan se chahe vo badan se aa.e
sub.h ke saath ajab lazzat-e-daryuza-gari
rat-bhar sochte rahne ki thakan se aa.e
aise zalim hain mire dost ki sunte hi nahin
jab talak ḳhuun ki ḳhushbu na suḳhan se aa.e
Leave a Reply