jo vo bahar-e-azar-e-khubi chaman men aata khiram karta
sanobar-o-sarv har ek aa kar zarur us ko salam karta
figar tegh-e-sitam ke ab tak karen hain naala ba-rang-e-bulbul
qayamat ai gul ajab hi hoti tu gar kisi se kalam karta
jo paata lazzat basan-e-saqi mai-e-mohabbat se teri zahid
nikal haram se vo but-kade men maqam apna mudam karta
jo uupri ru tujhe dikhata jamal apna to vohin naseh!
hamare manind chhod ghar ko gali men us ki qayam karta
khayal us ke se itni fursat kahan ki fikr-e-sukhan karun main
vagarna ‘bedar’ is ghazal ko qasida men la kalam karta