Seemab Akbarabadi
jo umr teri talab men ganva.e jaate hain
kuchh aise log bhi duniya men paa.e jaate hain
lagav hai miri tanha.iyon se fitrat ko
tamam raat sitare laga.e jaate hain
sama.i jaati hain dil men vo kufr-bar ankhen
ye but-kade mire ka.abe pe chha.e jaate hain
samajh haqir na in zindagi ke lamhon ko
are inhin se zamane bana.e jaate hain
hain dil ke daagh bhi kya dil ke daagh ai ‘simab’
Tapak rahe hain magar muskura.e jaate hain
Leave a Reply