Wahshat Raza Ali Kalkatvi
jo tujh se shor-e-tabassum zara kami hogi
hamare zaḳhm-e-jigar ki baḌi hansi hogi
raha na hoga mira shauq-e-qatl be-tahsin
zaban-e-ḳhanjar-e-qatil ne daad di hogi
tiri nigah-e-tajassus bhi pa nahin sakti
us aarzu ko jo dil men kahin chhupi hogi
mire to dil men vahi shauq hai jo pahle tha
kuchh aap hi ki tabi.at badal ga.i hogi
bujhi dikha.i to deti hai aag ulfat ki
magar vo dil ke kisi goshe men dabi hogi
koi ghazal men ghazal hai ye hazrat-e-‘vahshat’
ḳhayal tha ki ghazal aap ne kahi hogi
Leave a Reply