wali-mohammad-wali

Shaghl Behtar Hai Ishq-Bazi Ka

shaghl behtar hai ishq-bazi ka

kya haqiqi o kya majazi ka

har zaban par hai misl-e-shana mudam

zikr tujh zulf ki darazi ka

aaj teri bhavan ne masjid men

hosh khoya hai har namazi ka

gar naiin raz-e-ishq suun agah

fakhr beja hai fakhr-e-razi ka

ai ‘vali’ sarv-qad ko dekhunga

vaqt aaya hai sarfarazi ka

More Poems

Leave a Comment