Poet
kam sitam karne men qatil se nahin dil mera
mere pahlu men chhupa baiTha hai qatil mera
vasl men yuun mire pahlu ko na pahlu se daba
TuuT jaa.e na kahin abla-e-dil mera
qatl hone na diya us ki nazakat ne mujhe
rah gaya apna sa munh le ke vo qatil mera
un ko nashsha hai main be-ḳhud huun yahi Dar hai mujhe
vo kahin haal na puchhen sar-e-mahfil mera
hichkiyan aa.iin dam-e-naza.a to qatil ne kaha
ab to leta hai maze maut ke bismil mera
vaqt-e-aḳhir koi rota hai lipaT ke mujh se
ye inayat hai to marna bhi hai mushkil mera
dekhna koi sar-e-arsh se taara TuuTa
ya hasin aankh se zalim ki gira dil mera
dast-basta ye kaho hazrat-e-‘sahir’ se ‘vasim’
aap chahen to khule uqda-e-mushkil mera
Leave a Reply