Duniya Mein Ab Kisi Se Kudurat Nahin Mujhe

duniyā meñ ab kisī se kudūrat nahīñ mujhe

ya.anī ki dushmanoñ se bhī nafrat nahīñ mujhe

ho jaa.e zindagī meñ jo merā tumhārā saath

phir chāhiye kisī kī rifāqat nahīñ mujhe

jo saath de na paa.eñ ġharīboñ kā vaqt par

duniyā meñ aise logoñ se nisbat nahīñ mujhe

maiñ terī justujū meñ sañvartā chalā gayā

ab zindagī meñ koī bhī hasrat nahīñ mujhe

Leave a Comment