aftab-shakeel

Jo Tha Har Aan Mubtala Mera

jo tha har aan mubtala mera

vo bhi samjha na majra mera

hai mohabbat men kuchh havas pinhan

tu na kariyo kabhi kaha mera

tere nazdik rah ke bhi tujh se

kam hi kam vasta raha mera

sab se avval hai baat gadhne men

haae zalim muashra mera

itna viran tha main andar se

mujh men man hi nahin laga mera

kaash tu dhuup ki sadak hoti

aks phir tujh pe daudta mera

mukhtalif hai khuda zamane ke

jaane ho kaun sa khuda mera

kaun ‘afi’ bune mujhe phir se

haath aata nahin sira mera

More Poems

Leave a Comment