Poet
jo teri yadon se is dil ka aftab mile
to meri ankhon ko dariyaon ka ḳhitab mile
mire makan-e-tamanna ki siḌhiyon pe kabhi
tira shabab mujhe surat-e-gulab mile
kiran ki noken chubhin tan men tab hua ehsas
ki ḳhanjaron ki tarah mujh se aftab mile
tumhari ankhon ke in nim-va darichon men
azab-e-did ki surat shikasta ḳhvab mile
gunah ek hi donon ka hai to phir ye kyuun
use savab mile aur mujhe azaab mile
mira salam gharib-ul-vatan se kah dena
kabhi jo dasht men nezon pe aftab mile
Leave a Reply