Jo Tere Munh Se Na Ho Sharmsar Aaina

jo tere munh se na ho sharmsar aina

to rukh kare su-e-aina vaar aina

kahe hai dekh ke rukhsar-e-yar aina

ki is safai pe sadqe nisar aina

siyah-ru na kare tark-e-ulfat-e-gulfam

main bul-havas ko dikha.un hazar aina

safai dil ki kahan qadr-e-tira-rozi men

charagh-e-subh hai shab-ha-e-tar aina

samajh liya magar is sabz rang ko tuuti

ki hai nazare ka ummid-var aina

vo sakht-jan huun ki dikhlaen gar dam-e-murdan

to tod de kamar-e-kohsar aina

muqabil us rukh-e-raushan ke khul gai qali

na thahra aag pe simab-var aina

sama rahe hain magar tere nau-ba-nau jalve

ki ban gaya hai tilism-e-bahar aina

shikast-e-rang pe masti men hanste hain ham bhi

dikhaenge unhen vaqt-e-khumar aina

mujhe to kahte ho mat dekh meri janib tu

aur aap dekhte ho baar baar aina

bala hai man-e-vafa nuur ud gaya naseh

tu le ke dekh to rang-e-azar aina

samajh tu ‘momin’ agar narava ho khud-bini

to dekhen kaahe ko parhez-gar aina

Leave a Comment