jo takabbur se bhaTakti hai zaban
aage aage phir bahakti hai zaban
ho gaya nasur har ik lafz hai
bolta huun pakne lagti hai zaban
jild se chhan chhan ke bahte hain ḳhayal
aur ankhon se chhalakti hai zaban
nam-e-jan kitna garan hai jaan pe
halq galta hai pighalti hai zaban
mo.ajiza hai ye bhi us ke qaul ka
buund ban kar jo barasti hai zaban
kuchh mulaqaton men hi hai ye asar
tujh men bhi meri jhalakti hai zaban
Leave a Reply