Asif Ud Daula
jo shamshir teri alam dekhte hain
to vohin sar apna qalam dekhte hain
tujhe ghair se jab baham dekhte hain
na dekhe koi jo ki ham dekhte hain
jo chahen ki likkhen kuchh ahval dil ka
to hathon ko apne qalam dekhte hain
to jaldi se aavar na mere masiha
koi dam ko rah-e-adam dekhte hain
gali men buton ki shab-o-roz ‘asif’
tamasha khudai ka ham dekhte hain
Leave a Reply