Bakhtiyar Ziya
jo samajhna chahiye tha vo kahan samjha tha main
is jahan-e-rang-o-bu ko ḳhak-dan samjha tha main
vaqt ki Thokar ne zahir kar diye jauhar mire
zindagi ko apni sang-e-ra.egan samjha tha main
us ne bhar di jan-o-dil men ik na.i tabindagi
jis nigah-e-garm ko barq-e-tapan samjha tha main
apni hi kotah-dasti ka nikal aaya qusur
kal jise be-mehri-e-pir-e-mughan samjha tha main
Leave a Reply