Akhtar Azad
jo sakun na raas aaya to main gham men dhal raha huun
gham-e-zindagi se kah do ki main ruḳh badal raha huun
main bana huun ashk-e-gham ḳhud tumhen kyuun main khal raha huun
ye nikalo mera qissa ki main ḳhud nikal raha huun
tiri bazm-e-ḳhud-gharaz ne kai rang badle lekin
main harif-e-sham.a ban kar usi tarah jal raha huun
yunhi Talte rahe tum miri ḳhvahishon ko lekin
magar ab zara sambhalta main bahut machal raha huun
rah-e-shauq men unhen bhi lagi mere saath Thokar
vo sambhal chuke hain lekin main abhi sambhal raha huun
vahi azm-e-mustaqil hai rah-e-zindagi men ‘aḳhtar’
na gham-e-shikasta-pai na main haath mal raha huun
Leave a Reply