Poet
jo nazar aata tha bahar se vo kab andar se tha
us ke jiine ka saliqa us ke pas-manzar se tha
shaam hote hi udasi gher leti thi use
rabta us ka kahin kya Dubte manzar se tha
quvvat-e-parvaz pa kar bhi kahan jaata parind
us ke uḌne ka ta.alluq kuchh to mere ghar se tha
fard tha jis ghar ka us ne bhi na pahchana use
marne vaale shaḳhs ka nam-o-nasab to sar se tha
guzre lamhon ki sada.en der tak aati rahin
kuchh to rishta jaane valon ka ujaḌte ghar se tha
Leave a Reply