Jitendra Mohan Sinha Rahbar
halat jo yahi ai dil-e-nashad rahegi
basti tire armanon ki abad rahegi
is husn-parasti ka yahi hashr hai hona
kul umr miri ishq men barbad rahegi
miT ja.enge duniya se bhi ham diid ke guzre
gar ai but-e-kafir yahi be-dad rahegi
kis ji se bhula.unga tujhe ai ruḳh-e-janan
ta-roz-e-abad mujh ko tiri yaad rahegi
ik umr-e-asiri hi sahi jism men ai ruuh
daa.im to na ye qaid ki mi.ad rahegi
lab tak nahin aa.ega tire naam bhi mera
par dil men lagatar miri yaad rahegi
ik dasht-e-junun se dil-e-vahshi ko nikala
‘rahbar’ ye tiri rahbari yaad rahegi
Leave a Reply