Natiq Lakhnavi
jo mere dil men sahv tiri yaad se hua
naam us ka mahv alam-e-ijad se hua
barbad ḳhak-e-dil hai to ehsan-e-husn kya
main sar-buland ishq ki uftad se hua
aise bhi hain ki jin ko riha.i ki fikr hai
sharminda main to zahmat-e-sayyad se hua
naqus aur azaan ki bina ishq se paḌi
fariyad ka chalan miri fariyad se hua
ishq-o-havas ne mil ke bana.i hai bazm-e-husn
ye ittihad majma-e-azdad se hua
duniya-e-be-sabat ka qissa tha muḳhtasar
tuul itna meri qaid ki mi.ad se hua
Leave a Reply