jo mere dil men farozan hai sha.iri ki tarah
main us ko DhunDhta phirta huun naukri ki tarah
jo meri zaat ka iz.har hai vo lafz abhi
mire labon pe sisakta hai ḳhamushi ki tarah
hava ka saath na de is nagar baras ke guzar
main be-hayat huun sukhi hui nadi ki tarah
to la-zaval hai be-ma.anaviyaton ki misal
main be-sabat huun mangi hui hansi ki tarah
na koi yaad mili hai na koi zaḳhm bhara
‘nisar’ umr kaTi hai musafiri ki tarah
Leave a Reply