Sewak Nayyar
mayus zindagi ke sahare chale ga.e
Thukra ke ham ko dost hamare chale ga.e
ummid-o-arzu ki baharon ke saath saath
gulzar-e-zindagi ke nazare chale ga.e
har manzil-e-hayat pe un ko kiya talash
har raah men ham un ko pukare chale ga.e
raushan thi jin se meri shab-e-zindagi nadim
jaane kahan vo chand sitare chale ga.e
us bevafa ki yaad ke miTte hue nuqush
‘nayyar’ ham apne dil men utare chale ga.e
Leave a Reply