Munawwar Lakhnavi
jo mahtab men hai vaqt-e-shab jamal tira
hai sub.h-dam vahi ḳhurshed men jalal tira
saba men hai jo latafat tiri latafat hai
jamal hai jo gulon men hai vo jamal tira
khinchi hui chali aati hai is men ik duniya
sama raha hai mire dil men yuun ḳhayal tira
fana se kaam tujhe kya ki javedan tu hai
nahin zaval se nadim kabhi kamal tira
hai zarra zarra ‘munavar’ tiri tajalli se
kuchh ek mehr-e-mubin men nahin jalal tira
Leave a Reply