Mohsin Shaafi
jo kar ke rafu pairahan nachte hain
chhupane ko dard-e-kuhan nachte hain
zara bhi nahin fikr sud-o-ziyan ki
sar-e-dar kya bankpan nachte hain
hua tazkira jo tire gesuon ka
mire saath ahl-e-suḳhan nachte hain
mata-e-safar lauT kar qafilon ki
bhare dasht men rahzan nachte hain
tire narm honTon ki hiddat men ‘shafi’
shagufta shagufta saman nachte hain
Leave a Reply