Gurbir Chhaebrra
jo kabhi apne the vo hue duur hain
ham bhi thak haar ke ho ga.e chuur hain
ḳhuub charche hain ab apne bhi ghairon men
kal jo badnam the aaj mash.hur hain
auron se karte hain hans ke vo baat yuun
kis ki ankhon ke vo ban ga.e nuur hain
zinda-dil ban guzari hai ye zindagi
jo hua pyaar to kaise majbur hain
kis ke va.ade pe ham ne bharosa kiya
vo jo kahte jafa.en to dastur hain
maut sachcha.i hai aur ise maan kar
un ke hathon hue qatl mashkur hain
ye laḌa.i bhi ab ḳhud se hai ya-ḳhuda
faisle tere ‘qasid’ ko manzur hain
Leave a Reply