Syed Aabid Ali Aabid
naghma aisa bhi mire sina-e-sad-chak men hai
ḳhauf se hashr bapa gumbad-e-aflak men hai
ai junun chal ḳham-e-gesu ki taraf dil to abhi
alam-e-ḳhvab men adab ke pechak men hai
vo qafas ho ki nasheman ki panah-gah nahin
ta.iro naghmagaro barq-e-bala taak men hai
tere ḳhush-posh faqiron se vo milte to sahi
jo ye kahte hain vafa pairhan-e-chak men hai
ye tasavvur hai abhi arsh abhi farsh pe tha
rang-o-nairang usi tausan-e-chalak men hai
kya bane surat-e-iz.har-e-ma.ani ki ḳhayal
abhi uljha hua alfaz ke pechak men hai
dar-e-iḳhlas ki dahliz pe ḳham huun ‘abid’
ek jiine ka saliqa dil-e-be-bak men hai
Leave a Reply