Jaun Eliya
jo hua ‘jaun’ vo hua bhi nahin
ya.ani jo kuchh bhi tha vo tha bhi nahin
bas gaya jab vo shahr-e-dil men mire
phir main is shahr men raha bhi nahin
ik ajab taur haal hai ki jo hai
ya.ani main bhi nahin ḳhuda bhi nahin
lamhon se ab muamla kya ho
dil pe ab kuchh guzar raha bhi nahin
janiye main chala gaya huun kahan
main to ḳhud se kahin gaya bhi nahin
tu mire dil men aan ke bas ja
aur tu mere paas aa bhi nahin
Leave a Reply