jo duha.i de raha hai koi sauda.i na ho
apne hi ghar men kisi ne aag dahka.i na ho
raste men is se pahle kab tha itna azhdaham
jo tamasha ban raha hai vo tamasha.i na ho
jo mila nazren chura kar chal diya ab kya kahen
shahr men rah kar kabhi itni shanasa.i na ho
apni hi avaz par chaunke hain ham to baar baar
ai rafiqo bazm men itni bhi tanha.i na ho
main shua-e-mahr ka maara sahi lekin yahan
kaun hai yaaro jo is suraj ka shaida.i na ho
gung bhi hain dekh kar badle hue manzar yahan
aur aisa bhi nahin ham men ki goya.i na ho
main to apni zaat ka ik reza-e-gum-gashta huun
vo mujhe DhunDega kya jo mera shaida.i na ho
Leave a Reply