jo chiiz thi kamre men vo be-rabt padi thi
tanhai-e-shab band-e-qaba khol rahi thi
avaz ki divar bhi chup-chap khadi thi
khidki se jo dekha to gali uungh rahi thi
balon ne tira lams to mahsus kiya tha
lekin ye khabar dil ne badi der se di thi
hathon men naya chand pada haanp raha tha
ranon pe barahna si nami reng rahi thi
yadon ne use tod diya maar ke patthar
aine ki khandaq men jo parchhain padi thi
duniya ki guzarte hue padti thiin nigahen
shishe ki jagah khidki men rusvai jadi thi
tuuti hui mehrab se gumbad ke khandar tak
ik budhe moazzin ki sada guunj rahi thi
Leave a Reply