dard bhi ginte raho aur ḳhvab bhi ginte raho
kitna achchha kaam hai lekin akele mat karo
main ne us ki raushni men jis qadar nazmen kahin
in ko divaron pe likhna hai mira tum saath do
umr ke ye saal bhi aḳhir guzar hi ja.enge
chand va.ade ki taraf takte raho aur ḳhush raho
rizq ki machhli ki ḳhatir qatl kar dete hain log
ho sake to apna sab kuchh dusron men baanT do
ab the is ke paas ‘bedi’ pesh us ne kar diye
aarzu anjam tak pahunchi miyan jiite raho
Leave a Reply