Poet
sajan mujh par bahut na-mehrban hai
kahan vo ashiqan ka qadar-dan hai
kahun ahval dil ka us ko kyunkar
bahut nazuk-mizaj o bad-zaban hai
mira dil band hai us naznin par
ajab us khush-liqa men ek aan hai
bhavan shamshir hain o zulf phansi
har ik palak us ki manind-e-sinan hai
khuda us ko rakkhe duniya men mahfuz
nihal-e-arzu aram-e-jan hai
chandr be-vaqar hai us badr aage
safa us mukh ki har ik par ayaan hai
samajhta hai tire ashar ‘faez’
khuda ke fazl suun vo nukta-dan hai
Leave a Reply