Alok Yadav
jo bhi sukhe gul kitabon men mile achchhe lage
hon vo lamhe ya bashar chhuTe hue achchhe lage
barg-o-gul pe to hamen shabnam baḌi achchhi lagi
ashk lekin kab tire ruḳhsar pe achchhe lage
dilkashi thi unsiyat thi ya mohabbat ya junun
sab marahil tujh se jo mansub the achchhe lage
kaghzi kashti ka rishta ḳhuub hai ‘alok’ se
jhuThe jitne bhi the va.ade aap ke achchhe lage
Leave a Reply