jo apna gham hai use a.ina dikha.un main
bas ek qatre men dariya sameT la.un main
tiri nigah to ḳhush-manzari pe rahti hai
teri pasand ke manzar kahan se la.un main
jo dil ki hasrat-e-tamir hai so itni hai
ki ho sake to kisi dil men ghar bana.un main
main janta huun andheron ki zindagi kya hai
bujhe charagh to dil ka diya jala.un main
jo zaḳhm deta hai to be-asar hi deta hai
ḳhalish vo de ki jise bhuul bhi na pa.un main
Leave a Reply