Nida Fazli
jitni buri kahi jaati hai utni buri nahin hai duniya
bachchon ke schōl men shayad tum se mili nahin hai duniya
chaar gharon ke ek mohalle ke bahar bhi hai abadi
jaisi tumhen dikhai di hai sab ki vahi nahin hai duniya
ghar men hi mat use sajao idhar udhar bhi le ke jaao
yuun lagta hai jaise tum se ab tak khuli nahin hai duniya
bhaag rahi hai gend ke pichhe jaag rahi hai chand ke niche
shor bhare kaale naaron se ab tak dari nahin hai duniya
Leave a Reply