Zakir Khan Zakir
jism taaza gulab ki surat
zindagi ik nisab ki surat
naqsh hain ab varaq varaq dil par
chand yaden kitab ki surat
vo mire paas hai nahin bhi hai
ik haqiqat sarab ki surat
dard us se bayan karun kaise
jaise mahi-be-ab ki surat
mai-kade men agar nahin kuchh to
zahr de de sharab ki surat
husn-e-janan ka haal kuchh yuun hai
chand Dhalte shabab ki surat
gar vo puchhenge hal-e-dil ‘zakir’
kuchh nahin hai javab ki surat
Leave a Reply