thakan se chuur hain aur gard se ate hain ham
nazar utha ki tiri samt dekhte hain ham
vahi charagh vahi main vahi fusun tera
har ek baar yunhi tujh ko chahte hain ham
tire khayal ki khushbu udaas karti hai
tire sarab ki vaadi men gunjte hain ham
ye aur baat tire saath din guzarta hai
ye aur baat tiri niind men rahe hain ham
kabhi kabhi to yuun raste men shaam hoti hai
ki hauslon ki tarah khud men tutte hain ham
Leave a Reply