Poet
jism ka ghar hi gira hai to na jaan Thahregi
yaad aa.i bhi kisi ki to kahan Thahregi
thak ke baiTha huun magar zindagi bhagi jaa.e
main chala ja.unga to umr-e-ravan Thahregi
us ke dar se jo uThe shahr se phir kya matlab
kisi sahra men hi ab naql-e-makan Thahregi
bhuul kar bhi na bhulana use ai dil varna
ye subuk-doshi bhi ik bar-e-garan Thahregi
ḳhud pe har rut ko guzarte hue dekha tha magar
kya ḳhabar thi ki yahin ek ḳhizan Thahregi
Leave a Reply