Sufi

Mausam To Badalta Hai Badal Jae To Kya Ho

mausam to badalta hai badal jaae to kya ho

phulon se jo khushbu bhi nikal jaae to kya ho

jaata huun kadi dhuup men parchhain ke hamrah

sahra men ye parchhain bhi jal jaae to kya ho

ye mashvira-e-zabt bhi taslim hai lekin

aansu miri ankhon se nikal jaae to kya ho

mahtab sahara hai shab-e-zist ka ‘fakhir’

ye zard sa mahtab bhi Dhal jaae to kya ho

More Poems

Leave a Comment