jise dekha tira joya hai pyare
tujhi ko DhunDhne khoya hai pyare
qasam hai dida-e-giryan ki mujh ko
ki duniya alam-e-roya hai pyare
nihal-e-ah hoga dana-e-ashk
ugega vo jo kuchh boya hai pyare
tujhe dil de ke main ne azmaya
vo sikha jis ne kuchh khoya hai pyare
kisi ke kaan bharne par na rakh dhyan
har ek munh men zaban goya hai pyare
main jaaga shab sar-e-gesu men varna
jise kaala Dase soya hai pyare
mira dil jal-bujha shab se yahan kuun
charagh-e-murda par roya hai pyare
nazara kab kiya us chashm-e-tar ne
abas daman tira dhoya hai pyare
mila do lab kahan ka ab-e-haivan
ḳhizar ka rasta khoya hai pyare
kafan apne ‘nasim’-e-kushta ka sunkh
har ek barg-e-gul boya hai pyare
Leave a Reply