Jyoti Azad Khatri
jis taraf dekhiye tufan nazar aane lage
shahr ke shahr hi viran nazar aane lage
jab se shishon ne kiya un ke havale ḳhud ko
tab se patthar bhi pareshan nazar aane lage
muḳhtasar ham ne kiya ḳhud ko zara sa ḳhud men
kis qadar raste asan nazar aane lage
muflisi men hui pahchan mujhe apnon ki
tha guman jin pe vo anjan nazar aane lage
ik qadam hi to baḌhaya hai hamari janib
aap ko fa.ede nuqsan nazar aane lage
dekh kar meri talab mera junun-e-manzil
raste kaise pareshan nazar aane lage
Leave a Reply