Tahir Faraz
jis ne teri yaad men sajde kiye the ḳhaak par
us ke qadmon ke nishan paa.e ga.e aflak par
vaqi.a ye kun-fakan se bhi bahut pahle ka hai
ik bashar ka nuur tha qindil men aflak par
doston ki mahfilon se duur ham hote ga.e
jaise jaise silvaTen paḌti ga.iin poshak par
maḳhmali honTon pe boson ki nami Thahri hui
saans uljhi zulf bikhri silvaTen poshak par
paniyon ki sazishon ne jab bhanvar Daale ‘faraz’
tabsira karte rahe sab Dubte tairak par
Leave a Reply