Jis Mein Sauda Nahin Wo Sar Hi Nahin

Poet

jis men sauda nahin vo sar hi nahin

dard jis men nahin jigar hi nahin

log kahte hain vo bhi hain bechain

kuchh ye be-tabiyan idhar hi nahin

dil kahan ka jo dard-e-dil hi na ho

sar kahan ka jo dard-e-sar hi nahin

be-khabar jin ki yaad men hain ham

khair se un ko kuchh khabar hi nahin

‘bekhud’-e-mahv o shikva-ha-e-itab

is manush ka to vo bashar hi nahin