Asif Ud Daula
jis din se yaar mujh se vo shokh ashna hua
rusva hua kharab hua mubtala hua
pahle to ba-vafa mujhe dikhlaya aap ko
jab dil ko le chuka to ye kuchh bevafa hua
afsos kyuun kare hai hamen qatl kar ke tu
ham sa jo ek mar gaya pyare to kya hua
tegh-e-firaq-e-yar ka majruh ho ke main
phirta huun khak-o-khun men sada lotta hua
‘asif’ hamesha dil ko nasihat karun tahan
kahna mira na maana ye ja mubtala hua
Leave a Reply