Bhawana Srivastava
ik na ik din to sabhi ko hi qaza aa.egi
aḳhiri vaqt men bas kaam dua aa.egi
haath gar mujh se chhuḌana bhi kabhi chahe tum
dekhna beach men ye meri vafa aa.egi
aib to DhunD na pa.ega meri chahat men
haath tere koi chhoTi si ḳhata aa.egi
ishq ka rog agar lag hi gaya hai us ko
phir kahan us ke kisi kaam dava aa.egi
jagti ankhon men hai ḳhvab tire ai hamdam
aaj un ko bhi kahan niind bhala aa.egi
Leave a Reply