jin baton ko kahna mushkil hota hai
un baton ko sahna mushkil hota hai
is duniya men rah kar ham ne ye jaana
is duniya men rahna mushkil hota hai
jis dhara men bahna sab se asan ho
us dhara men bahna mushkil hota hai
us ke saath hamen asani hai kitni
us se ye bhi kahna mushkil hota hai
us ke ta.ane us ke ta.ane hote hain
mushkil se bhi sahna mushkil hota hai
vo sab baten jo tum aksar kahti ho
un baton ka sahna mushkil hota hai
vo baten jo kahne men asan lagen
un baton ka kahna mushkil hota hai
maazi ki yaden bhi aisa suraj hain
jis suraj ka gahna mushkil hota hai
main apni duniya ka aisa suraj huun
jis suraj ka gahna mushkil hota hai
lagti hai ye bahr bahut asan magar
is men ghazlen kahna mushkil hota hai
Leave a Reply