Jigar Ko Chaak Ki Dil Ko Lahu Lahu Kije

jigar ko chaak ki dil ko lahū lahū kiije

hayāt ko kisī unvān surḳh-rū kiije

nahīñ hai hausla mar mar ke zinda rahne kā

to kaun kahtā hai jiine kī aarzū kiije

hai chaak chaak bahut zindagī kā pairāhan

ḳhudā ke vāste kuchh koshish-e-rafū kiije

lahū se pahle gulistāñ ko kījiye sairāb

phir us ke ba.ad tamannā-e-rañg-o-bū kiije

tumhārī bazm meñ aa.ī kahāñ se ye raunaq

nazar milā ke zarā ham se guftugū kiije

ba-faiz-e-ishq taqaddus-ma.āb haiñ ham log

hamārā zikr bhī kiije to bā-vazū kiije

qalam uThe to rahe azmat-e-qalam kā ḳhayāl

ai ‘manshā’ yūñhī sadā hifz-e-ābrū kiije

Leave a Comment