jidhar nazren uthaen tirgi hai
hamari zindagi kya zindagi hai
ye manzil hai to ai ashab-e-manzil
ye meri ruuh men kya tishnagi hai
ye gham ki intiha hai ya vafa ki
nazar men pyaas honton par hansi hai
ye dil men dard chamka ya koi yaad
ye kaisi aag ki si raushni hai
khirad ki intiha mujh se na puchho
jab us ki ibtida divangi hai
use khatra hai sirf ik fasl-e-gul ka
khizan ko kis qadar asudgi hai
Leave a Reply