ji par bhi ham ne jabr kiya iḳhtiyar tak
jiite rahe aḳhir dam-e-intizar tak
kis ko nasib hote hain phir jalsa-ha-e-mai
jiita hai kaun dekhiye agli bahar tak
uf-re sitam ki bahr-e-dua-e-visal-e-ghair
vo paanv chal ke aa.e hain mere mazar tak
tum bhi karoge jabr shab o roz is qadar
ham bhi karenge sabr magar iḳhtiyar tak
shaki nahin main naḳhvat-e-gul hi ka ai ‘vafa’
mujh se chaman men nok ki lete hain ḳhaar tak
Leave a Reply