ji jaae magar na vo pari jaae
yarab na hamari dil-lagi jaae
dil hijr men jaae ya ki ji jaae
jis ka ji chahe vo abhi jaae
is gil ka na vasl ho na ji jaae
kyunki mere dil ki be-kali jaae
tum laal-e-lab apne gar dikhao
phir su-e-yaman na jauhari jaae
is ghuncha-dahan ki bu na laae
dikhlae na munh saba chali jaae
saughat ki tarah pesh-e-majnun
bedi aur meri hathkadi jaae
sabit hai jab pahad-e-vahshat
jab tak daman hamara si jaae
ghairon ko to mai pilae saaqi
main mangun to saaf sun ke pi jaae
ham-rah ho parvarish-e-ali bhi
yaan se jo karbala ‘sakhi’ jaae